Ситуацијата во местата во Грција што изминатите денови беа погодени од силното невреме постепено се нормализира. Сепак, на одредени плажи капењето сѐ уште не е возможно.
Последиците од потопот на Ситонија сѐ уште се видливи на одредени плажи, а поради нечистотиите, туристите се принудени да одат на други места за да уживаат на сонце.
Туристите сѐ уште не се капат на градските плажи во Никити, Метаморфозис и Ормос Панагијас бидејќи водата е матна. Затоа тие одат на околните плажи, и тоа не на сите. За среќа, Ситонија има многу плажи, па има и такви каде што водата е кристално чиста.
Туристите одат и до местата што не се погодени од невремето, како Неос Мармарис, Торони, Сарти или Каламици.
Фото: Sputnik
И додека багерите ги средуваат плажите, туристите уживаат во сончевото време. Во текот на овие денови се очекува топло и сончево време со температури од 30 Целзиусови степени.
Невремето што ја погоди Грција најголеми штети предизвика во Никити и во Ормос Панагијас.