Магијата стана општоприфатен збор. Го користиме за да опишеме што било што нè воодушевува: светилки, струја, музика, љубов. Но, исто така, го користиме за да опишеме поврзаност со другите луѓе, настаните и возбудата од нови искуства. Децата лесно веруваат во магијата, но како што учиме повеќе за тоа како функционира светот, помалку нешта изгледаат магични. Тоа не треба да нè спречува во обидите да реплицираме магични чувства.

Без разлика дали патуваат до најдалечните делови на светот, нуркаат под вода или ги изучуваат клетките под микроскоп, луѓето се поттикнуваат да бараат новост и возбуда во необичното. Низ историјата, луѓето се обидувале да ја разберат околината околу нив и значењето на своите животи. Луѓето создавале приказни, често базирани на магија, за да се обидат да го појаснат необјаснливото и значењето на својата смртност.

Животот во 21 век го измени нашето чувство за магија. Преносот на информации преку интернет, испраќањето луѓе во вселената и пристапот до компјутери што изведуваат пресметки и чуваат информации би звучеле како магија за нашите предци. Но, приливот на информации и промените во начинот на живот, кои ги носат овие технолошки напредоци, можат да го загрозат нашето чувство за чудо или магичност.

Ние му веруваме на бестелесниот глас од нашиот уред со навигација за да нè насочи во непознатите градови и не се вознемируваме кога пребарувањата на „Гугл“ даваат илјадници резултати за која било тема. Всушност, толку брзо се навикнуваме на овие промени, што тешко си споменуваме како беше пред да ги имаме мобилните телефони и 24-часовните вести. Сè побрзото темпо на модерниот живот можеби објаснува зошто ставаме акцент на настаните кои имаат значење, како родендените, годишнините и празниците. Кога настаните имаат повеќе значење, често сме поттикнати да ги направиме што помагични.

Постои еден празник што се истакнува во светот на магијата, Божиќ. Традиции како приказните за раѓањето и празничните песни ни помагаат да се почувствуваме поврзани со оние што доаѓаат по нас. Згора на тоа, зимата дава чувство дека нешто магично може да се случи. Иако Божиќ се слави во многу земји во светот, културните детали се различни.


Но, еден константен аспект на Божиќ е очекувањето дека магичен лик ќе го искористи празникот за да ги награди децата за нивното однесување во текот на годината. Независно дали очекуваат весел старец облечен во црвено кој вози санка со летечки северни ирваси, вештерка или други митски ликови, децата легнуваат да спијат со надеж дека ќе се разбудат со физички докази дека овој магичен лик бил во нивниот дом и им донел подарок.

Како што стануваме постари, логичките ограничувања на приказната стануваат поочигледни, но ретко се заборава чувството на зачуденост. Можеби затоа многумина го сметаат Божиќ за комплициран празник исполнет со стари спомени, идни очекувања и надежта дека ако украсиме добро доволно, ако ги купиме вистинските подароци или организираме најдобра забава, ќе можеме повторно да го создадеме магичниот момент.

Проблемот е што ја бараме таа магија на погрешното место. Исходот е дека магијата е чувство, не нешто материјално, и зависи од чувството на зачуденост, а не од очекувањата. Затоа, можеби е вредно да барате начин да ја поттикнете таа зачуденост во вас и во другите за време на празниците. Наместо да се жалите за тоа како се облечени или како се однесуваат тинејџерите, најдете нешто вистинско за да ги пофалите. Подобро е да слушнете некој кој веќе ви раскажал приказна што сте ја слушнале и забележите нешто ново или интересно. Постарите луѓе сакаат да знаат дека нешто што го направиле во своите животи нема да биде заборавено.

Ако сами го славите празникот, поканите ги другите да гледате филмови или да споделите храна која ги потсетува на нивната култура или детство. Понекогаш, менувањето на традициите може да додаде магија на искуството. Ако ја цените традицијата, слушајте ја омилената музика и посветете време за читање приказна или уживање во вашата елка. Создавајте нови традиции за омилена храна, музика или драгоцени активности.

Нема ништо погрешно во трошењето енергија за да го направите празникот специјален. Но, вистината е дека секојдневниот свет е исполнет со магија. Таа не е толку драматична како наоѓањето на подарокот под елката, но пристапувањето на секојдневниот живот со чувство на зачуденост може да биде награда сама по себе.

Можеме да се фокусираме на препознавањето и создавањето магија во нашиот секојдневен живот. Ова не значи дека Божиќ не може да биде посебен, но би значело дека би имале уште 364 други денови за барање и развивање на тоа магично чувство.

Извор: Psychology today
Насловна фотографија: Pixabay