Денеска во 16 часот во Ректоратот на УКИМ треба да се одржи првата средба меѓу работните групи на УКИМ и МОН. На оваа средба е најавено дека ќе присуствуваат и претставници на Студенскиот и професорскиот пленум.

Ректорот на УКИМ Велимир Стојковски рече дека е потврдено присуството на делегации од сите страни - од Владата и Министерството за образование и наука, од Студентскиот и од Професорскиот пленум.

„По повод денешната средба очекуваме претставниците на владата да се држат до договореното, односно да почне креирање на комплетно нов закон којшто ќе се креира преку суштински дијалог, вклученост на студентите во тоа креирање, јавна дебата и суштинска анализа“, вели Ана Бебековска од Студентскиот пленум.