Имате екстерен хард диск од еден терабајт дома? Одлично. Сега купете уште 199 такви и ќе може да ги зачувате сите податоци за овој математички доказ.

„Nature“ известува за ново истражување на кое работел меѓународен тим од истражувачи кои го создале овој доказ. Проблемот кој сакале да го докажат е од 1980-те. Тој е поврзан со Питагорината теорема која вели дека за секој правилен триаголник a^2 + b^2 = c^2.

Сега замислете дека секоа цифра е црвена или сина. Математичарот Роналд Греам во 1980-те се прашувал дали во ова двобојно сценарио може да ги обоите цифрите за ниту една група од Питагорини „тројки“ односно три цифри во равенката, немаат иста боја - односно во ниту една равенка нема три црвени или три сини цифри.

Ова е потешко отколку што звучи. Секоја цифра може да биде дел од равенката. Земете го бројот 5. 3,4 и 5 се во Питагорината равенка. Но, исто може да бидат и 5, 12 и 13. Ако 5 е сина во првиот пример, тогаш мора да биде и во вториот пример, односно 12 или 13 мора да бидат црвени. Кај поголемите цифри, сигурно ќе се јави проблем, односно ќе се стигне до равенка кадешто цифрите ќе имаат иста боја.

Така, одговорот на прашањето на Греам е дека не може да ги обоиме бројките за равенките да бидат разнобојни, односно секоја цифра во неа да има различна боја од онаа до неа.

Сепак, докажувањето на ова бара компјутер кој ќе прави пресметки и комбинации од цифри и бои. Тоа го направил тимот. Истражувачите откриле дека има решенија за прашањето до 7.824, но не и понатаму. Докажувањето барало меморија од 200 терабајти.