Начинот на кој ги создаваме нашите домови игра голема улога во дефинирањето на нашиот поглед кон светот. Како што паметните уреди и технологии навлегуваат во структурите што ги населуваме, така полека се открива и иднината на архитектурата.



И додека дел од концептуалната архитектура дава поглед кон иднината што можеби никогаш нема да биде, иновативниот дизајн навистина цвета, со реалистички модели што можеби ќе станат сегашност.

Ова се некои од најпознатите дизајни замислени изминатата година.


Превртен облакодер што плови над Земјата - потенцијално корисна алатка во пренаселената иднина - поврзана со астероид што орбитира околу планетата.

Формата на дизајнот на екоодморалиштето наречено „Наутилус“ е инспирирана од спиралата „Фибоначи“. Таа користи хидропонски технологии за растење и други алатки што вклучуваат растење на растенијата во самата архитектура.


Не многу далеку од брегот на Норвешка се наоѓа подводен ресторан кој наскоро ќе биде домаќин на истражувачки центар за морски животни. Дизајнерите велат дека структурата ќе биде во чест на норвешкото крајбрежје и на дивата фауна во морето и карпестиот брег на јужниот врв на Норвешка. Конструкцијата треба да почне оваа година.


Дизајниран од „Оиио“, „Биг Бенд“ е облакодер во вид на лак. Иако основата од зградата е прилично мала, зградата може да издржи голем број луѓе без да стане премногу висока и нестабилна.


Контејнерите за доставување еволуираа во дизајнот и станаа многу популарни во 2017 година, па сега се користат и како домови. Идејата за минималистички преносливи домови денес е многу честа, а тоа може да се види и на сликите подолу. Изградбата на овој дом е закажана за 2018 година во јужна Калифорнија. Домот е издигнат на повисоко ниво, така што поплавите не би можеле да го оштетат, а бидејќи неговите елементи укажуваат на различни правци, на просториите никогаш нема да им недостига природна светлина.


Овој предлог-дизајн за ферибот-терминал во Сеул е комбинација од иновативна архитектура со зелени енергетски решенија. Дизајнирани да изгледаат како манта-зраци, овие структури се способни да ја произведат целата електрична енергија што им е потребна.


Она што изгледа како хуманоиден робот од Гундам Винг е всушност пловечки мост: Овој експериментален дизајн од Маргот Красојевиќ е нарачан од владата Ордос во Монголија и тој може да се преклопи, па дури и да се премести.


Колектив од јужнокорејски дизајнери го создаде „Гигантскиот секвоја облакодер“ за „еВоло“ - натпреварот за облакодери. Дизајнот вклучува изградба на облакодери во внатрешноста на масивни дрвја, нов пристап кон мирна коегзистенција помеѓу луѓето и природата.

Не сите овие дизајни ќе станат реалност во блиска иднина. Но науката често нè учи дека она што денес можеме да го замислиме, всушност, може да се случи утре. А преку постојните техники, како што се хидропониските технологии, обновливите извори на енергија и напредните материјали, изградбата на овие структури би можела да биде и реална и позитивна за планетата Земја.