X
 04.04.2020 Живот

Рекордни 53 случаи со коронавирус

53 нови случаи се позитивни на Ковид- 19, а вкупната бројка на дијагностицирани изнесува 483 лица, извести Министерството за здравство. На Клиниката за инфективни болести и фебрилни состојби во Скопје починаа двајца пациенти заболени од коронавирус, жена од Лабуништа (Струга) на возраст од 71 година и маж на возраст од 77 години од Куманово кои беа хоспитализирани во исклучително тешка состојба.
Институтот за јавно здравје информира за уште два смртни случаи, жител на Велес кој почина пред неколку дена, а неговиот позитивен резултат е докажан постмортем и странски државјанин кој живеел во Скопје 4 месеци.

Министерството потсетува и дека пациентот од Куманово кој почина на 2 април на Инфективната клиника, а чиј позитивен резултат на Ковид – 19 беше потврден вчера попладне, како случај на позитивен и починат пациент, во статистиката на ИЈЗ ќе биде исто така евидентиран во денешниот извештај.

Со ова, во денешната статистика се eвидентирани пет починати лица од Ковид-19.

Во моментов на Инфективната клиника се хоспитализирани 61 пациент, од нив 11 се на механичка вентилација.


Новите случаи ги има во следните градови: 

Скопје -13, Куманово - 8, Штип - 3, Радовиш - 2, Прилеп - 2, Струга - 14, Тетово - 2, Велес - 1, Гостивар - 2 и Кочани -6.

Во изминатото деноноќие направени се 414 тестови. Досега во земјата се направени 4.920 тестирања на Ковид-19.

Издвојуваме

Слични вести од Fakulteti.mk

Живот