Во ноември нѐ очекуваат одлични филмови: од „Супернова“, преку враќањето на „Крудс“ до документарецот за животот и наследството на Били Холидеј, ова се насловите што не смеете да ги пропуштите.

„Супернова“

Земете си марамчиња: станува збор за емотивен филм и најдобрите перформанси на Колин Фирт и Стенли Тучи. Тие ги глумат Сем и Тускер, пијанист и писател, кои се среќен пар, но не им останува многу време заедно. Тускер има рана деменција, па тој и Сем размислуваат што да прават со остатокот од нивниот живот.



„Амонит“

Уште една љубовна приказна со уште поголеми ѕвезди. Кејт Винслет ја глуми Мери Анинг, ловец на фосили во Викторија, која никогаш не била прифатена од машките научници во текот на нејзиниот живот. Саоирсе Ронан ја глуми Шарлот Мурчинсон, амбициозен геолог кој го посетува домот на Анинг. Оваа романса е визуелно привлечна, емотивно издржлива и брутално искрена.



„Патека за враќање“

Ретро-холивудски филм кој иако можеби нема да биде рангиран меѓу најдобрите, сепак, има најдобра актерска екипа со имиња како Роберт де Ниро, Морган Фриман и Томи Ли Џонс.



„Хилбили Елеџи“

Станува збор за адаптација на најпродаваниот роман „Хилбили елеџи“, а глумат Ејми Адамс и Глен Клоуз. Напишан од Џ. Д. Ванс, романот е базиран на односот на авторот кон неговата мајка и неговата баба.



„Најсреќната сезона“

Интересна романтична комедија за жена (Кристен Стујарт) која оди да го прослави Божиќ со семејството на нејзината девојка (Мекензи Дејвис). Таа планира да ја запроси додека е таму, без да сфати дека нејзината девојка сѐ уште не им кажала дека е хомосексуалец.



„Крудс: Нова ера“

Праисториското семејство од цртаниот филм од 2013 година „Крудс“ повторно е тука, па можеме да очекуваме интересни авантури, бизарни хибридни животни и одлични вокални актерски улоги на Николас Кејџ, Кетрин Кинер, Ема Стоун и Рајан Рејнолдс.



„Били“

Цели осум години во текот на 70-тите новинарката Линда Липнак Куел ја истражувала биографијата на Били Холидеј, интервјуирајќи колку што може повеќе нејзини пријатели, роднини и колеги. Куел починала пред да ја напише книгата, но сега Џејмс Ерскин ги искористи нејзините интервјуа како основа за документарецот, спојувајќи видеа од Били.



„Вујко Френк“

Пол Бетани глуми њујоршки универзитетски професор кој вози низ рурална Јужна Калифорнија со момчето и внуката откако починал неговиот татко. Дејството на филмот е во 70-тите години и е режиран од Алан Бол.

Извор: ВВС

Фото: Screenshot/YouTube