Ги повикуваме сите заинтересирани студенти, стартап-компании од областа на ИT и сите ИT-ентузијасти да се пријават за учество на третото издание на „Хакатонот за отворени податоци“, кој ќе се одржи од 24 до 27 март 2022 година во хотелот „Панорамика“ - Скопје. Хакатонот се организира во рамките на Проектот на УСАИД за граѓанско учество.
Што е „Хакатон за отворени податоци“?
„Хакатон за отворени податоци“ е 4-дневен предизвик на кој учесниците треба да создадат креативно решение што ќе овозможи промовирање на концептот за отворени податоци. Основната цел на хакатонот е доближување на отворените податоци до сите граѓани и нивно прикажување на едноставен и иновативен начин.
1. Кој има право на учество?
Право на учество имаат тимови составени од студенти или стартап-компании од областа на ИТ. Неопходно е членовите на секој тим да имаат знаења од програмирање, дизајн, економија, маркетинг и сл. Еден тим може да има најмалку тројца членови, а најмногу осум. Едно претпријатие (*стартап-компанија) може да пријави само 1 тим.
*Стартап-компанија е претпријатие кое не е постаро од 6 години, кое има или сѐ уште работи на развивање иновативен производ или услуга и се наоѓа во рана инвестициона фаза.
2. Награден фонд за победникот?
Победникот на Хакатонот ќе добие 3.000 долари, средства наменети за комплетирање на демо-верзијата во функционална апликација.
3. Регистрација на учесници
Пријавувањето на тимовите е отворено до 23 март 2022 година, 12:00 часот. Регистрацијата е на следниов линк:
https://bit.ly/3GZxpU9 а формуларот го пополнува тим-лидерот.
Важно: За тимовите што доаѓаат од други градови, предвидено е сместување во хотел „Панорамика“ – Скопје.
4. Прашања и одговори?
Вашите прашања може да ги испратите на
hakaton@metamorphosis.org.mk; најдоцна до 20 март 2022 година.
Подетални информации поврзани со „Хакатон за отворени податоци“ се достапни на следниов линк:
https://bit.ly/3sCGo9P
Пријавете се!
(Комерцијална објава)