Пуле е сирење кое се произведува во природниот резерват „Засавица“ во Србија. Сирењето се наоѓа на врвот на листа со најскапи сирења во светот, според списанието „Шефс пенсил“.

Имено, еден килограм од ова сирење чини дури 1.000 евра. Ова српско сирење се произведува од магарешко млеко, а со оглед на тоа што овие животни даваат многу малку млеко, процесот на производство е исклучително комплициран. Освен тоа, процесот предвидува рачна изработка на сирењето.


За еден килограм сирење се потребни дури 25 литри магарешко млеко. Ова млеко содржи само 1 отсто млечни масти, а концентрацијата на витамин Ц е дури 60 отсто повисока во споредба со кравјото млеко. Магарешкото млеко е богато и со витамини А, Д и Е, како и калциум и омега-3 масни киселини.

Во „Засавица“ годишно се произведуваат околу 100 килограми од ова сирење.

Извор: Klix
Насловна фотографија: Pixabay