Истражувачи од Институтот за модерна физика при Кинеската академија на науките го развија првиот медицински акцелератор за лекување рак со т.н. тешка јонска терапија, со независни права на интелектуална сопственост и го стави во клиничка примена, јави Синхуа.
- Никогаш не мислев дека ќе можам да го победам туморот... По неколку дози од третманот, клетките на ракот во телото исчезнаа - изјави пациент кој заздравува.
Во споредба со традиционалната терапија со зрачење, тешката јонска терапија се смета за пооптимална бидејќи вклучува помалку зрачење на здравите клетки. Периодот на лекување е пократок и терапијата може поделотворно да ги контролира клетките на ракот.
Терапиите со зрачење кои користат тешки јонски забрзувачи може „да ја бомбардираат“ целта со електрони со висока енергија за да ги убијат клетките на ракот. Успешната работа на медицинската опрема ја отвори вратата за независни иновации од првичните основни истражувања до конечната индустријализација и промоција, пишува стручното дневно „Кинеско научно гласило“.
Во 2006 година Кина стана четвртата земја, по САД, Јапонија и Германија, што успешно спроведе клинички третман со тешки јони, кога четворица пациенти со канцер учествуваа во првичните клинички испитувања со тешка јонска терапија.
Извор: МИА