Чанг и Енг, родени на 11 мај 1811 година во Сијам - денешен Тајланд, биле близнаци споени на левата и десната страна на градите, кои стекнале светска слава поради нивните анатомски аномалии. Како резултат на нивната слава, терминот сијамски близнак почнал да се користи за сите близнаци на кои им е споен некој дел од телото.

Чанг и Енг биле споени со тубуларно ткиво долго околу 8 cм и дијаметар од околу 3,8 см. Нивната мајка била половина Кинескиња, а нивниот татко Кинез. Нивната анатомска особеност ги направила популарни како деца, па дури имале и средба со кралот на Сијам. Во 1829 година Чанг и Енг биле „изнајмени“ од британски трговец. Тие го напуштиле Сијам и во текот на следната деценија патувале низ САД, Канада, Куба и Европа.


Се преселиле во Маунт Ер во Северна Каролина, станале американски државјани, купиле фарма и почнале да се занимаваат со земјоделство. Станале Американци, земајќи го презимето Бункер, а во април 1843 година се венчале со две сестри, Аделаида и Сара Јејтс.

Чанг и Енг одржувале посебни домаќинства на растојание од 2,5 километри. Наизменично ги посетувале своите сопруги во тридневни посети, а секој близнак имал по неколку деца. Во текот на американската граѓанска војна изгубиле голем дел од своите пари, а во 1869 година повторно заминале на турнеја низ Европа.


Откако првпат стигнале во САД, лекарите предложиле Чанг и Енг да бидат хируршки разделени. Но, грижите и сомнежите околу безбедноста на операцијата ги навеле да ја одбијат операцијата. Тие биле одлични стрелци, а можеле да трчат и да пливаат и функционирале одлично како тим.

Извор: Nationalgeopgrahic.rs
Фото: Wikipedia