Виетнам подготвува законски предлог со кој би можел да им го отежни користењето на социјалните мрежи на граѓаните. Според предлогот, од граѓаните би се барало да го верифицираат својот идентитет при пријавувањето за локалните и странските социјални мрежи.

Целта на предлогот е да се намали бројот на измами и лажни профили. Доколку предлогот биде прифатен, на државните агенции би им се овозможил полесен пристап до корисниците на социјалните мрежи кои ги прекршуваат законите, без разлика дали станува збор за локална или меѓународна платформа.

Обврската би се однесувала на поединците, но и на организациите што ги користат социјалните мрежи.

Виетнам во последните неколку години донесе повеќе закони со кои се обидува да се бори против лажните вести. Освен тоа, земјата ги присилува странските фирми да отворат подружници во земјата и редовно да им доставуваат податоци од нивните граѓани.

Извор: Zimo
Насловна фотографија: Pixabay