Научници од Истражувачкиот институт при аквариумот во Монтереј Беј во Калифорнија открија неколку илјади мистериозни отвори на океанското дно.

Потеклото на откриените објекти не е утврдено. Најголемите такви дупки се со ширина од 175 метри и длабочина од 5 метри. Забележани се вкупно 5.200 вакви вдлабнатини.

Обично ваквите појави се поврзуваат со емисии на метан и се среќаваат во целиот океан. Стручњаците, сепак, во овие дупки не откриле траги од метан, што го прави откритието уште поинтересно.