Пензионерка од градот Браила, Романија, лани 11.000 пати се јавила на телефонскиот број за итни случаи 112 - без никаква причина.
Аурелија Санду се јавувала секој ден и барем еднаш во еден час, а како причина ги наведувала и караниците со соседите. Одговорните за повиците ја известиле полицијата, па неоснованите жалби ѝ донеле казна од 2.000 леи (околу 410 евра на Романката). Но, ни тоа не ја спречило.
Се чини Санду не е единствената... Истата година човек од Вранча над 5.000 пати се јавил на единствениот број за итни повици - само за да ги навреди операторите на Специјалната телекомуникациска служба.
- Луѓето се јавуваат затоа што им е досадно, зашто мислат дека е смешно, или дека мораат да пријават измислени злосторства - велат од службата за тамошните медиуми.
Само во 2022 година на телефонскиот број биле регистрирани четири милиони неосновани повици, според извештаи на романската полиција.
Извор: МИА