Кит Харингтон застана во одбрана на хит серијата на HBO „Game of thrones“, велејќи дека нивото на бруталност не е непознато за публиката.

 

Актерот кој го игра Џон Сноу изјави дека е важно за фантазијата да ги рефлектира последиците од војната, додавајќи дека насилството во серијата не е нешто поразлично од она што се емитува во вестите низ светот.

„За жал, после со секое вртење на каналите добивате доза на насилство и сето она обезглавување и бруталност. Ако шоуто сака да го постигне нивото на фантазија, тогаш треба сето тоа да биде релевантно - затоа мора да се видат дивјачките последици од војната“.

Харингтон изјави дека писателот Џорџ. Р.Р. Мартин сакал серијата да го рефлектираат варварството во минатото вклучувајќи ја и Војната на розите и Гленко масакрот.

„Џорџ Мартин е експерт за периодите од британската историја како на пример Војната на розите. Важно е за него да ја истражува бруталноста на овие времиња“.

Лиам Канингам, кој го игра кралскиот советник Давос Сиворт, вели дека драмата би и` правела лоша услуга на гледачите, доколку не е прикажано насилството.

„Би ја навредиле публиката доколку во серијата не би имало бруталност. Ако шоуто немаше бруталност и секс, публиката би рекла: „Не не` штитете“. Сексот и насилството се неопходни за да се задржи автентичноста на оваа серија“.

Досега, околу 100 смртни случаи се случија во текот на 4 сезони, вклучувајќи три егзекуции и четири обезглавувања.

Некои од најнасилните сцени вклучуваат брутално прободување на бремена жена неколку пати во стомакот, човек мачен и кастриран и проститутка неколку пати застрелана со стрели.

Во четвртата сезона се случија повеќето смртни случаи, такашто се чини дека петтата сезона бројот на жртвите ќе биде уште поголем.