Најголемиот хотел во светот се гради во Мека во Саудиска Арабија, а импресивната градба која ќе биде изградена во пустина, ќе има 10.000 соби сместени во 12 кули, 70 ресорани, хелиодромови и конгресен центар.
Монументалната градба која би требало да биде завршена до 2017 година, би требало да изгледа како пустинска тврдина. После изградбата ќе ја понесе титулата најголемиот хотел во светот, која моментално ја држат два хотели - „The Venetian“ и „The Palazzo“ кои се наоѓаат во Лас Вегас и имаат 7.117 соби.
Проектот ќе чини 3.5 милијарди долари, кулата ќе има 44 спратови, а две кули од хотелот на своите гости ќе им нуди сместување со 5 ѕвезди, додека останатите десет кули ќе имаат соби со 4 ѕвезди. Хотелот е дело на архитектонското студио „Dar Al – Handasah“, а за ентериерот е задолжено лоноднското студио „Areen Hospitality“ кое се очекува да биде усогласено со раскошниот стил на другите хотели во регионот.
Овој хотел, не е единствен планиран за изградба во Мека. За следната година Хилтон планира отворање на хотелот „Conrad Makkah“ кој ќе биде прв во оваа земја.
