Можноста да научите нови вештини или јазици за многу луѓе е луксуз. Оваа холандска апликација наречена „Konnektid“ сака да ги помести вообичаените граници на образованието и на луѓето да им овозможи пристап до бесплатно учење.

„Konnektid“ им дава можност да корисниците да го споделат нивното искуство и знаење со луѓето околу нив. На апликацијата, можете да се понудите како ментор во вашата област на експертиза или да пребарувате бесплатни часови. Менторите се охрабруваат да ги даваат нивните услуги бесплатно во замена за стекнување на нови искуства и учење на нови работи од другите луѓе.

Доколку сакате да научите за Фотошоп, едноставно логирајте се и испратете покана. На луѓето во близина ќе им биде дадена шанса да ви вратат и да прифатат. Откако некој ќе изрази интерес да ве учи, двајцата треба да поставите време и место.

„Konnektid сака да стане вашиот животен сопатник за учење“, вели извршниот директор и основач Мајк Висер. „Ние ви нудиме нешто што онлајн содржината како Википедија и видеата на ЈуТуб не можат да го понудат: личен и директен контакт со експерти кои ќе ви помогнат“, додава тој.

Моментално има 6.000 членови од целиот свет кои чекаат да ви помогнат да научите нешто ново.