Сигурно сте слушнале или сте го искористиле средството WD-40, кое може да користи како средство за чистење, лубрикант и анти-корозивно решение. Неговот име всушност е Water Displacement - 40th Attempt. Создавачот на производот сакал да создаде формула со која ќе спречи корозија и тоа го успеал после 40-от обид.
WD-40 извршува пет основни функции: чисти, дислоцира влага, продира, подмачкува и штити. Овие функции можат да бидат проширени за употреба на различни предмети во и околу вашиот дом.
Безбедноста на WD-40
Иако генерално се смета за безбеден производ, WD-40 e базиран на нафта, па од клучно значење е да знаете дека е високо запалив. Исто така, треба да знаете дека може да бие многу штетен ако се проголта и може да создаде респираторни проблеми ако не се користи во добро проветрена просторија.
Освен тоа, може да биде штетен за децата и домашните миленици. Сепак, доколку преземете соодветни мерки на претпазливост, WD-40 е релативно безбеден за примена.
Стандардна употреба на WD-40
1. Спречува 'рѓа
Одржувањето на алатите во одлична состојба е нешто за кое треба постојано да се грижите доколку постојано ги користите. Со малку прскање на WD-40 можете да ги заштитите алатите од 'рѓосување.
2. Ги чисти алатките
Покрај заштитата од 'рѓа, WD-40 чисти се` што имате во вашата кутија за алати.
3. Чисти и ја заштитува спортската опрема
Ова средство може да се користи за отстранување на несаканата нечистотија од велосипедот, синџирот и брзините. Исто така може да се користи на чамци за заштита од корозија и влага.
4. Помага при отворање на 'рѓосана брава
Доколку имате 'рѓосан клуч или клучалка која не може да се отвори, ставете малку WD-40 и отворањето ќе биде значително полесно.
5. Подмачкува лепливи фиоки
Сите оние фиоки кои не можете да ги отворите, прснете малку од средството и фиоката магично ќе се отвори.
6. Ги поправа вратите кои крцкаат
Ништо не иритира повеќе од врата што крцка. Доколку ставите малку WD-40, крцкањето ќе исчезне.
7. Го продолжува животот на тушевите
Ова е уште една помалку позната употреба на wD-40. Тушевите имаат тенденција да се расипат со текот на времето, но со примена на WD-40 можете да го продолжите нивниот животен век.
Невообичаена употреба на WD-40
8. Отстранува мрсни боици од тапетите
Ова навистина функционира. Ако имате мало дете дома, веројатно сте се соочиле со овој проблем. Прснете WD-40 на тапетите и избришете со крпа.
9. Отстранува стара целофанска лента
Отстранувањето на целофанските ленти од секоја површина може да е доста тешко, но не и со WD-40. Прснете малку на површината, почекајте неколку минути и избришете.
10. Отстранува дамки од облека и теписи
Ако некогаш сте имале фармерки на кои имало дамка мастило, или кармин или пак дамки од домати, тогаш можете да ги отстраните со WD-40. Ќе ги отстрани дамките безбедно и ефикасно и од фармерките и од теписите.
11. Отстранува мувла од фрижидерите
Одвратната мувла која постојано се јавува во фрижидерите сега лесно можете да ја отстраните со ова средство. Ставете да поседи неколку минути и потоа избришете.
12. Ја отстранува прашината на филтерот за климатизација
Ставете тенок слој на WD-40 на вашиот AC филтер пред да го ставите, со што филтерот станува поефективен.
13. Ја чисти скарата и браниците од автомобилите
Со прскање WD-40 на скарата и предниот браник на вашиот автомобил, лесно ќе ги отстраните бубачките и другата нечистотија која се акумулирала во текот на патувањето.
14. Отстранува се` од стаклената површина
Без разлика дали е стара налепница или лента во вашиот дом, со прскање на WD-40 лесно ќе ги отстраните сите налепници.
15. Ги чисти и подмачкува жиците на гитарите
Овој продукт има широка и разновидна примена, па можете со него и да ги подмачкувате жиците на гитарата.
16. Отстранува масло од бетонот
WD-40 помага во одржување на чист изглед на патеките и асфалтот. Прснете на дамките и избришете со крпа.
17. Отплеткува накит
Ништо не е пофрустрирачки отколку отплеткувањето на накитот од кутијата за накит. Доколку сакате да отплеткате, ставете мала количина на WD-40.