Денес е вторник, 6 септември 2016 година, 250-иот ден во годината. Сонцето изгреа во 05:59, а ќе зајде во 19:01 часот. Денот ќе трае 13 часа и 01 минути.

Во Македонија ова утро имаме облачно време проследено со врнежи од дожд. Облачно но без врнежи е само во јужните и југоисточните предели.

МАКЕДОНИЈА - Врнежите од дожд кои што ќе започна во текот на ноќта понеделник кон вторник се очекува да продолжат и денес, насекаде во Македонија. Врнежите ќе бидат проследени со засилен североисточен и југоисточен ветер кој ќе достигне брзина и до 40 км/ч. Поинтензивни врнежи се очекуваат во попладневните часови и тоа најмногу во западните, југозападните и јужните предели, каде локално може да наврнат и до 30 литри дожд. Утринските температури ќе се движат во интервал од 11 до 19 степени, додека пак максималните ќе бележат големо опаѓање и ќе достигнат само до 14 односно до 24 степени.

СКОПЈЕ – Во Скопје денеска ќе биде облачно со врнежи од дожд, ветровито и свежо. Ќе дува доумерен засилен североисточен ветер. Утринската температура од 16 степени, а максималната дневна ќе достигне до 20 степени.

МАКЕДОНИЈА 5 ДЕНА – И во наредните денови Македонија останува под влијание на Медитеранскиот циклон кој што ќе носи врнежи од дожд, засилен ветер и посвежо време. ВО среда облачно со врнежи од дожд и идентични температури кои ќе се движат од 14 до 24 степени. Поинтензивни врнежи се очекуваат во југозападните и јужните предели. Во четврток, петок и сабота умерено облачно и нестабилно со врнежи од дожд, но врнежите ќе бидат со многу послаб интензитет. Максималните температури во четврток од 17 до 27 степени, во петок од 15 до 25 степени и во сабота од 19 до 29 степени.

Фудбалскиот натпревар помеѓу Албанија и Македонија кој синоќа беше прекинат поради невремето, а треба да се доигра во текот на денешниот ден, најверојатно нема да го дочека својот крај, бидејки и денеска во Албанија и во регионот на Скадар се очекуваат обилни врнежи од дожд во текот на целиот ден.

Weather4all.com.mk