На 36. Интернационален филмски фестивал во Њу Џерси долгометражниот игран филм „Златна петорка“ во режија на Горан Тренчовски, освои Гран при за најдобар игран филм. Претходно филмот го вреднуваше 15-члена комисија составена од академици, професионалци и новинари, кои од вкупно 377 наслови од целиот свет го вброија меѓу 17-те финалисти, известува „Револушн продакшн“.
Ова е седма меѓународна награда за екипата на „Златна петорка“, која не доби македонска номинација за Оскар како филм од неанглиско говорно подрачје.