Наскоро може да биде забрането плаќањето за рачен багаж во авионите во Европската Унија благодарение на уредба од Европскиот парламент.

Минатиот месец Комитетот за петиции на Европскиот парламент усвои уредба со која авионските агенции ќе мора да им обезбедат право на рачен багаж на патниците без дополнителни трошоци.

Некои нискобуџетни авионски компании заработуваат од наплаќање дополнителна сума за рачен багаж кога патникот купува билет, а ова овозможува манипулација со цените и искористување на патниците. Во случајот со „Рајанер“, патниците може да внесат ранец или рачна торба бесплатно во авионот, но не и куфер.

Од Европскиот суд на правдата посочиле дека рачниот багаж треба да се смета за основно право кое се остварува со купување на билетот.

Уредбата треба да ги реши проблемите со непостојаните политики на авионските компании за рачен багаж и нејасното рекламирање кое доведува до скриени трошоци. Освен тоа, би се овозможила регулација на стандардите за рачен багаж бидејќи авионските агенции имаат различни правила за тежината и големината на дозволен рачен багаж.

За да се имплементира, уредбата треба да биде одобрена и во Европската комисија и од страна на земјите-членки на ЕУ.

Извор: Schengen visa info
Насловна фотографија: Pixabay