„Нетфликс“ го објави првиот тизер за серијата инспирирана од јужнокорејскиот хит „Игра со лигни“ од 2021 година. Тизерот собра повеќе од 634.000 прегледи за помалку од 24 часа.
Награда од 4,56 милиони долари
Исто како и во оригиналната серија, во реалното шоу наречено „Игра со лигни: Натпревар“, ќе учествуваат 456 натпреварувачи кои ќе се натпреваруваат во детски игри за награда од 4,56 милиони долари. Ова е најголемата парична награда за реално шоу досега.
Иако нема никакви изненадувања во најавата, од тизерот е јасно дека „Нетфликс“ не отстапил многу од оригиналната формула на серијата. Тизерот, кој трае 27 секунди, прикажува моменти од зад сцената додека се работи на сетот.
Исто како во оригиналната серија
Во тизерот накратко се појавуваат надзорници со карактеристични маски, како и натпреварувачи облечени во зелени комбинезони. Прикажани се и бараките во кои престојуваа натпреварувачите и популарната џиновска кукла која ја одлучува судбината на натпреварувачите.
Во шоуто од десет дела, тие ќе се натпреваруваат во серија игри инспирирани од серијата. Нивните стратегии, сојузи и карактер ќе бидат ставени на тест со заминувањето на конкуренцијата.
Кошмар за натпреварувачите
На почетокот на оваа година, во јавноста протекоа информации дека реалноста се претвори во кошмар и дека некои натпреварувачи биле носени на носилки, а други претрпеле тешки смрзнатини.
- Беше вистинска тортура. Играта која требаше да трае пет минути, траеше девет часа. Температурата надвор беше под нулата, а немавме ни капути. Немавме пауза за да пиеме вода. Не можевме да одиме во тоалет. На луѓето кои пијат лекови не им беше дозволено да земаат лекови - вели извор.
Фото: Twitter