Велосипедот за некого е средство за рекреација, за друг превозно средство, а има и такви што ги искомбинирале и двете.

Освен што заштедува гориво, заштедува и време за луѓето што живеат во поголемите градови бидејќи многу полесно ќе се пробијат низ метежот со велосипед отколку со автомобил или јавен превоз.

Оваа активност има огромни придобивки за вашето здравје и најлесно се вклопува во секојдневниот живот. Освен што е средство за рекреација, велосипедот е и превозно средство кое лесно ќе ве префрли од точка А до точка Б.

Освен паричникот, за овој вид активност ќе ви биде благодарен и вашиот имунолошки систем, како и срцето, мозокот и мускулите, бидејќи возењето велосипед има многу позитивни ефекти врз целиот организам. Освен тоа, ќе ви биде благодарно и телото бидејќи по возењето велосипед полесно ќе заспиете.

Со возење велосипед околу 20 километри на час согорувате 563 калории за 60 минути.

Светската здравствена организација препорачува лицата на возраст меѓу 18 и 64 години да имаат најмалку 150 минути умерена физичка активност неделно за да го зачуваат своето здравје.


Вклучете го велосипедот во секојдневниот живот

Покрај тоа што ви помага во одржувањето на здравјето, возењето велосипед е забавна активност што можете лесно да ја вклучите во вашата дневна рутина. Направете го велосипедот ваше превозно средство за да одите до продавница или на работа.

Возењето велосипед со текот на времето позитивно ќе влијае врз вашата координација и ќе ја подобри циркулацијата, а резултатот ќе биде побрзо закрепнување на вашето тело.

Дополнително, со текот на времето ќе се зајакнат мускулите на долниот дел од телото, а подвижноста на одредени зглобови ќе биде подобра. Тоа значи дека возењето велосипед може да биде одлична вежба за луѓето што имаат проблеми со зглобовите и артритис.

Нема да се откажете

Иако некогаш сте започнале некоја физичка активност и многу брзо сте се откажале од неа, возењето велосипед не е една од тие активности.

Луѓето на кои велосипедот им е дел од секојдневниот живот често се попосветени на оваа активност од оние што почнуваат да вежбаат во сала. За разлика од другите форми на вежбање, повеќето луѓе што возат велосипед остануваат верни на тоа цел живот.

Возењето велосипед не ги оптоварува колената како што тоа го прави трчањето.

Затоа, следниот пат кога ќе заглавите во сообраќајот, додека седите зад воланот, добро размислете како може велосипедот да ви го олесни денот и да ви го подобри здравјето.

Извор: Telegraf.rs
Фото: Freepik