Ако гледањето филмови легнати на кревет е една од вашите омилени активности, тогаш сигурно ќе го обожавате ова.
Отвореното кино „Бед синема“ ова лето нуди уникатен петдневен настан во Хјустон, САД. Наместо столче или автомобил, киното на гостите им нуди удобен душек.
Настанот е уникатно искуство за жителите, а според „Бед синема“, на репертоарот ќе се најдат и неколку класици.
Што да очекуваат љубителите на филмот? Организаторите велат дека за настанот се набавени над 150 големи кревети со перници, ќебиња и масички осветлени со ЛЕД-светилки.
На секој кревет може да седат по четири лица. Гостите ќе можат и да си направат пикник ако не сакаат да лежат на кревет.