Пол Г. Ален

Пол Г. Ален беше еден од основачите на „Мајкрософт“, како и основач на Институтот „Ален“. Имал непоколеблива љубопитност да копа длабоко во геномот и невролошките центри на човештвото. Ален почина од рак на 15 октомври, а во текот на неговиот живот заработил вистинско богатство од „Мајкрософт“, кое го употребил на најблагородни начини.

Куен Чарлс Као

Куен е човекот одговорен за првото јадро на идејата за меѓусебно поврзан свет со фибер-оптички кабли. Во 1966 година тој ја предложил употребата на оптичките влакна како главна инфраструктура за комуникација. Меѓу другото, Као напишал и труд што подоцна влијаел и го променил текот на светот. За овој труд ја освои Нобеловата награда за физика во 2009 година. Као почина на 23 септември во Хонг Конг.

Осаму Шимомура

Роден во 1928 година, Осаму живеел во темни и опасни времиња. И покрај сите тешкотии, тој успеал да заврши училиште и да открие суштинска компонента за биомедицинските науки. Тој го открил зелениот флуоресцентен протеин што е фундаментална алатка што ја користат истражувачите за да го кодираат и потврдат вметнувањето на гените. Осаму доби Нобелова награда за хемија во 2008 година заедно со хемичарот Роџер Циан и невробиологот Мартин Чалфи. Почина на 19 октомври во Нагасаки, Јапонија.

Томас А. Стајц

Стајц ги открил тајните на рибозомот. Во 2009 година ја освои Нобеловата награда за хемија за неговата работа што придонесе за решавање на структурата на рибозомот, компонента одговорна за преведување на генските информации во протеините од клетката. Неговиот колега Питер Мур еднаш го нарече „најуспешниот структурен биолог на неговата генерација“. Почина на 9 октомври.

Стивен Хокинг

Еден од најпознатите физичари од нашето време - Стивен В. Хокинг го привлече вниманието на јавноста со неговата длабока потрага по мистериите на универзумот.

- Од Алберт Ајнштајн не сме имале научник што толку ја доловил имагинацијата на јавноста и се посветил себеси на десетици милиони луѓе низ светот - изјави теоретскиот физичар Мичио Каку за Хокинг.

Хокинг стана симбол за човечката одлучност и сила, не дозволувајќи неговата физичка попреченост да го спречи во неговата потрага по вистината.

Алан Бин

Алан Бин беше четвртиот човек што стапна на Месечината. Во подоцнежните години се сврти кон сликарството. Алан стапнал на површината на Месечината по летот на „Аполо 12“ околу четири месеци откако Нил Армстронг и Баз Олдрин првпат слетале на Месечината. Иако не бил првиот лет, оваа мисија резултирала со потемелно истражување на Месечината.

Дороти Ченеј

Дороти Ченеј ја променила динамиката за тоа како го гледаме животот на приматот и социјалната структура. Со нејзиниот сопруг и партнер за истражување, професор Роберт М. Сејфарт, направила некои од најважните практични трудови со бабуни. Таа помогнала да се промени и да се навлезе во нов начин на истражување за да се анализира и разбере приматот.

Френк Харт

Френк Харт бил инженер кој го надгледувал првиот развој на рутирачкиот компјутер за познатиот „Арпанет“. Во 1969 година тој предводел мал тим на инженери кој продолжил да го гради она што се нарекува процесор за интерфејс-пораки. Главната функција на компјутерот била да префрла податоци помеѓу другите компјутери поврзани на „Арпанет“.

Леон Ледерман

Леон Ледерман бил физичар кој истражувал во широк спектар на нови области на фундаменталната физика. Роден во 1922 година од родители еврејско-руски имигранти, тој живеел во период кога еврејските научници масивно бегале од Европа. Бил дел од генијалните физичари кои помогнале да се револуционизира полето во почетокот на 20 век. Добил Нобелова награда за физика во 1988 година за својата работа за откритието дека фундаменталните честички бараат симетрија како суштински дел од природниот напредок на нештата.

Арон Клуг

Арон Клуг бил одговорен за мапирање на структурата на вирусите. Ги открил геометриските правила и евентуалната форма на поливирусот. Клуг измислил електронска томографија што резултирала со тродимензионална слика на вируси. Ја добил Нобеловата награда за хемија во 1982 година.