Управата за хидрометеоролошки работи ја објави временската прогноза за претстојниот продолжен викенд.
Сепак, прогнозата нема да ве израдува. Имено, од УХМР соопштуваат дека нè очекува период на променливо облачно и посвежо време, на места со повремен дожд и услови за ретки грмежи. Врнежите ќе бидат поинтензивни в сабота, во текот на ноќта, и в недела преку денот.
Викендов ќе имаме и пониски температури за разлика од велигденскиот продолжен викенд, па така, в сабота минималните температури ќе се движат од 3 до 11 степени, а максималните од 15 до 20. В недела минималните ќе се движат од 3 до 10, а максималните од 14 до 19, додека в понеделник минималните ќе се движат од 4 до 11, а максималните од 15 до 20 Целзиусови степени.