Шведскиот синџир за домашни производи ИКЕА можеби е најпознат по својот мебел со ниски цени, но сега се чини дека се впушта во други области, односно во недвижности. Во неодамнешната објава на социјалните мрежи, ИКЕА објави дека дизајнирала нов стан што ќе биде достапен за изнајмување. Се разбира, станот доаѓа со мебел од ИКЕА, а месечната кирија е 0,86 долари.
Се разбира, не треба да очекувате луксузен, простран дом бидејќи станот има само 10 квадратни метри, но со две нивоа.
Двете нивоа се поврзани со скали - на првиот кат се наоѓаат влезот, кујната (со простор за машина за перење), бањата и тоалетот, додека горниот кат е просторот за спиење/дневната.
Станот е дел од проектот наречен „Малечки домови“ во кој ИКЕА ја промовира идејата дека дури и ако живеете во мал стан, сè уште постојат начини да го направите удобно и среќно место за живеење.
Кампањата ја предводи портпаролот на „Малечки домови“ на ИКЕА, Блахај, кој покрај неговите должности за недвижности, исто така е многу популарна кадифена играчка-ајкула што можете да ја купите во продавниците на ИКЕА низ целиот свет. Блахај се појавува во голем број промотивни видеа за кампањата, кои го објаснуваат процесот на дизајнирање на станот.
Секако, постои услов - станот ќе биде достапен за изнајмување само на ограничено време, односно до 15 јануари 2023 година, така што ова би требало да биде краткорочен план за сите потенцијални станари. Станот е достапен само во областа Шинџуку во Токио, иако конкретната локација не е откриена.
Оние што сакаат да го пробаат малиот стан на ИКЕА можат да аплицираат преку веб-страницата на ИКЕА, а тоа можат да го направат само членовите на „ИКЕА фемили“, најдоцна до 3 декември.