Одделот за здравство на Абу Даби, Обединети Арапски Емирати, го одобрил користењето на специјални камери со скенери на јавните места за да се спречи ширењето на ковид-19.

Доколку скенерите детектираат лице што можеби е заразено со ковид-19, личноста нема да може да влезе во локацијата и ќе мора да направи ПЦР тест во следните 24 часа.


Технологијата претходно била тестирана на повеќе локации во емиратот, при што биле скенирани над 20.000 луѓе. Резултатите од тестирањето покажале дека технологијата има ефикасност од 90,3% кога детектира заразени лица и 83% кога детектира незаразени лица.

Камерите работат на тој начин што ги мерат електромагнетните бранови кои се менуваат во присуство на честички на ковид-19.

Тие треба да бидат оддалечени најмногу 5 метри од лицето при скенирањето, а резултатите се добиваат за неколку секунди.

Извор: Interesting Engineering