„The Witch е толку страшен што сатанатa би плачела“, пишуваат од „Mashable“ во кратка рецензија за филмот. Се работи за хорор напишан и режиран од Роберт Егерс, кој претставува вистински мрачно искуство.
Приказната е за радикално религиозно семејство кое живее во 1630 година. Најстарата сестра го губи својот помал брат за време на игра, предизвикувајќи сомнеж и мизерија во семејството, особено кај нејзината мајка. Сè останато предизвикува параноја.
Филмот не е класичен хорор кој има предвидливи застрашувања. Во него сè се случува внимателно и полека. Во филмот има вештерки, чудни животни, ѓавол, крв, но сето тоа изгледа ново и непредвидливо.
„
Mashable“ додаваат дека она што го прави филмот различен од останатите хорори е неговата убавина. „Секоја сцена е внимателно стилизирана“, пишуваат тие.
За филмот посвети внимание и режисерот Стивен Кинг, кој во објава на „Твитер“ напиша дека вистински го уплашил.