„Tencent“, една од најголемите кинески Интернет компании, по се изгледа дека доделува навистина високи плати на своите вработени.


Компанијата која ги поседува најмногу користените апликации во земјата, на свој вработен му исплати 40 милиони долари плата и дополнителен бонус во 2016 година. Тоа е повисока сума од највисоката плата исплатена на една индивидуа во 2015.

За да се сфати за колкава сума всушност се работи, може да се направи споредба со најмногу платениот извршен директор во „Apple“, со заработка од 22.9 милиони долари во 2016.

Тројца други вработени во компанијата заработиле 29.7 милиони и 33.8 милиони долари во 2016 година.

Компанијата ужива голема популарност во Кина, особено бидејќи создава друштвени апликации и платформи, па има 889 милиони активни корисници.