Таканаречените самовилски кругови во Набимија се кружни делови од земја на кои не расте вегетација. Тие имаат дијаметар од 2 до 15 метри и често околу нив има трева.

До неодамна овие кругови беа мистерија. Научници од Универзитетот во Гетинген, Германија, конечно ја решија мистеријата. Истражувачите ги анализираа дождовите во повеќе делови од пустината и ја анализираа тревата што расте околу круговите. Освен тоа, тие поставија и сензори за мерење на влажноста на почвата во близина на круговите.

Резултатите покажаа дека тревата во внатрешноста на круговите почнува да умира по речиси 10 дена откако ќе падне дожд, а во поголемиот дел од централниот дел од круговите воопшто не расте трева.


Според научниците, ситуацијата не може да се објасни со термити бидејќи во круговите нема материјал со кој се хранат овие инсекти. Меѓутоа, научниците откриле дека тревата околу круговите ја црпи водата од горната почва во круговите по врнежите, па затоа тревата умира во внатрешноста на круговите.

Заклучокот на научниците е дека самовилските кругови во Намибија се самоорганизиран вегетациски феномен.

Извор: Interesting engineering