Протеините се клучни хранливи состојки во исхраната. Иако до неодамна се поврзуваа со боди билдерите и оние кои се опседнати со вежбање во теретана, сега секој сака да се осигура дека внесува доволно.

За кратко заборавете на протеинските шејкови, прашоци и додатоци. Протеините се составени од мали единки кои се нарекуваат амино киселини и се од суштинска важност за обновување на оштетените клетки и градење на нови, како и во градењето на ткивата, мускулите и коските.

Во Велика Британија возрасните се советувани да јадат по 0,75г протеини за секој килограм,  и секако ова варира со возраста и стилот на живот. Во просек треба да се јаде околу 55г протеини дневно за мажи и 45г за жени.

Секако, најдобро ќе постапите ако дневно внесувате протеини преку исхраната. Која храна содржи најмногу протеини?

Житарици и мешунки – леќата, грашокот и гравот се одличен избор кога станува збор за протеини. 100 г варена леќа содржи околу 9 грама протеини. Може да консумирате наут, црн грав, овес, јачмен, ориз, киноа и слично.

Млечни производи – млечните производи се богати со калциум и протеини што се основни за здрава исхрана. 100 г кравјо млеко содржи околу 3 г протеини, а 100 г чедар сирење – 25г протеини. За веганите се препорачува млеко од бадем, лешник или соја. Грчкиот јогурт содржи околу 6г протеини на 100 грама.

Јајца – лесно се достапни, евтини се и хранливи. Едно тврдо варено јајце има 6г протеини. Тие се лесно варливи и имаат малку калории.

Соја и тофу – протеините од сојата се многу разноврсна состојка и може да се претворат во најразлични вкусни форми. Тофу на пример, e направено од урда од млеко од соја и може да го комбинирате во салата или со зеленчук. 100г тофу содржи 8г протеини. 100 грама соја зрна пак, содржат 15 грама протеини.

Ореви, лешници, бадеми, семиња – оваа храна претставува многу практична ужина која ги содржи основните масти. Порција од 30 грама бадеми содржи 6 грама протеини.