Секој има различен пат низ образованието. Додека некои се запишуваат на факултет веднаш по завршувањето на средното образование, други го наоѓаат патот неколку години подоцна. Ова беше случајот со Мини Пејн.
Таа се вратила во училница откако се пензионирала, на 68-годишна возраст, а дипломирала на 73 години. Но, наместо да застане таму, Пејн го продолжи своето образование на Универзитетот во Северен Тексас и на 90-годишна возраст стана најстарата личност што магистрирала на универзитетот.
Иако многу постара од другите студенти, таа била инспирирана да научи нешто ново и да ја постигне својата цел.
- Никогаш не е доцна за учење, а Мини Пејн напиша историја. Како најстарата студентка на нашиот факултет и постдипломец, нејзината страст за пишување и нејзиниот позитивен став го направија факултетот радост наместо обврска - пишуваат од факултетот.
Пред да ја постигне крајната цел, Пејн работела како судски известувач и заменик-наставник во Јужна Каролина. По пензионирањето, таа се запишала на факултет. Неколку години подоцна магистрирала на интердисциплинарни студии.
Пејн веќе има нова работа во списание од нејзината област.
- Не планирам да прекинам со работа. Отсекогаш сакав да се подобрам. Кога се пензионирав на 68 години, не правев ништо конструктивно, а мојата филозофија е да правам нешто конструктивно - вели таа.
Извор:
Mymodernmet.com
Фото:
Facebook