„Мекдоналдс“ следната недела ќе ја покаже својата благодарност кон наставниците овозможувајќи им бесплатен појадок.
Ова е дел од програмата наречена „Оброк благодарам“, која почна во 2020 година за да ги препознае оние луѓе што се наоѓаат на првата борбена линија во екот на ковид-пандемијата. За време на двонеделната кампања биле поделени 12 милиони бесплатни оброци во знак за благодарност.
За да го добијат оброкот, едукаторите, вклучително и наставниците, администраторите и училишниот персонал треба да се упатат до најблискиот „Мекдоналдс“ за време на часовите за појадок и да покажат валидна работна легитимација.
- Горди сме што им служиме на луѓето што ги прават нашите заедници подобро место и ова е време да им се заблагодариме на некои од нашите секојдневни херои - изјави претседателот на „Мекдоналдс“, Џо Ерлингер.
За да ја рашири љубовта и благодарноста уште повеќе, „Мекдоналдс“ ги повикува обожавателите да му оддадат почит на нивниот посебен наставник користејќи го хаштагот #ThankYouMeal на „Твитер, „Тик-ток“ или „Инстаграм“. „Мекдоналдс“ ќе ги сподели најинтересните приказни на социјалните мрежи, а неколкумина среќници ќе бидат изненадени со бесплатна достава за појадок до нивното училиште.
Извор:
Parents.com
Фото:
Wikipedia