Во 1970-те и 1980-те години, корисниците на интернетот биле малку и распространети насекаде. Денес, ова е огромна мрежа која поврзува милијарди луѓе, машини и битни инфраструктурни делови. Сите овие корисници се ранливи на сајбер-напади.

Интернет-пионерот Дени Хилс тврди дека интернетот не бил изграден за волку многу корисници и јасно му е дека треба да се работи на „план Б“, односно да се создаде паралелен систем во случај кога интернетот би се срушил.

Инаку, Хилс е американски иноватор, инженер, математичар, претприемач и автор кој стои зад компанијата која создала еден од суперкомпјутерите кои ги имаме денес, како и повеќе други технолошки компании. Во продолжение погледнете го неговиот говор за ТЕД во врска со слабостите на интернетот.