Хиперинфлација е кога цените месечно растат најмалку 50 отсто, додека истовремено паѓа вредноста на парите.
Во овие околности има повеќе пари во оптек, па затоа нивната вредност дополнително се намалува, а поскапувањето е поголемо. Во меѓувреме, луѓето сè потешко ги задоволуваат основните потреби, а стандардот на животот е понизок. Некои луѓе се соочуваат со опасност од банкрот, додека други купуваат премногу намирници и со тоа предизвикуваат недостиг на производи.
Поради тоа, во ова сценарио многумина се одлучуваат за користење странски валути со стабилен курс, а во екстремни случаи некои користат размена на стоки.
Хиперинфлација може да се случи од неколку причини. Една е кога централната банка на државата ќе испечати многу пари како одговор на економска депресија, а во меѓувреме тоа не е следено од економски раст.
Фото: Pixabay
Хиперинфлација може да се случи и кога граѓаните губат доверба во домашната валута, што се случува во време на војна или криза.
Досега неколку пати во светот се случила хиперинфлација, а најпозната е онаа во Германија во 1920 година кога инфлацијата изнесувала неверојатни 30.000 отсто. Еден леб во Берлин во јануари 1923 година чинел 250 марки, а веќе во ноември истата година чинел 200.000 марки.
Наведените околности може да бидат катастрофални за државата и може да предизвикаат целосен колапс на економијата, а соочувањето со оваа ситуација може да биде многу тешко и најчесто подразбира замена на постојната валута со нова или странска валута.
Извор:
Klix
Насловна фотографија: Pixabay