Вкупно 7.568 слободни работни места имало во Македонија во третото тримесечје во годинава, соопшти Државниот завод за статистика. Според занимањата, работни места за 445 стручњаци и научници, додека според дејностите, имало 208 слободни работни места во образованието. Сепак, најмногу слободни работни места имало во преработувачката индустрија – 2.568.
Во овој период стапката на слободни работни места изнесува 1,52 отсто.
- Највисока стапка на слободни работни места има секторот „Објекти за сместување и сервисни дејности со храна“ – 3,15 отсто, додека најмала е стапката во секторот „Снабдување со електрична енергија, гас, пареа и климатизација“ – 0,1 отсто – пишува во соопштението на ДЗС.
Најмногу слободни работни места имало во Скопскиот регион – 3.846 и во Пелагонискиот регион – 946. Во Вардарскиот имало 670, во Источниот - 572, во Југоисточниот - 518, во Југозападниот - 442, во Полошкиот - 425, а Североисточниот имало 166 слободни работни места.
Најголем број, односно 2.594 позиции има во петтата група занимања - работници во услужни дејности и продажба.
Следуваат: ракувачи и составувачи на машини и постројки (1.452), техничари и сродни занимања (1.138), елементарни занимања (684), службеници (579), занимања за неиндустриски начин на работа во производството (567), стручњаци и научници (445), членови на законодавни и извршни тела, државни функционери, раководни државни службеници, дипломати и директори (28).