Апсолутно го разбирам стравот што го имаат родителите во однос на интернет-игрите кои се сметаат за опасни, но јас тој страв би го насочила во превенција од нивна страна. Разговорот со децата секогаш помага, па согласно нивната возраст, тие се најадекватните личности од нивната околина кои би им укажале на опасноста, но притоа и би им покажале дека имаат заштита и сигурност. Препорачувам и родителите добро да се информираат за што станува збор бидејќи стапувам во контакт и со родители кои не знаат какво значење имаат овие игри и која е опасноста што демне, вели Бојана Стојменовиќ, психолог, семеен и системски советник.