Како си го подигнувате расположението кога сте тажни? Можеби посегнувате по парче чоколадо или уживате во чоколаден сладолед. Чоколадото има способност да го подигне нашето расположение секогаш кога е потребно.
Но, дали некогаш сте размислувале за причините за овој феномен? Иако многумина го припишуваат на утешниот и воодушевувачки вкус, има научно објаснување за врската помеѓу чоколадото и среќата.
Чоколадото, особено темното, ни помага да се справиме со стресот. Темното чоколадо содржи антиоксиданси кои имаат природна способност да го подигнат нашето расположение.
Според истражувањето на Центарот за хумана фармакологија на Технолошкиот универзитет „Свинбурн“ во Мелбурн, Австралија, одредени компоненти, вклучувајќи ги антиоксидансите во чоколадото, помагаат во производството на серотонин во мозокот, што дополнително прави да се чувствуваме среќни и опуштени. Овие компоненти, кои се наоѓаат во темното чоколадо, се триптофан, фенилетилаланин и теобромин.
Истражувањето дополнително објаснува дека фенилетиламинот дејствува како антидепресив со природно дејство и помага при природно ослободување на допамин, одржувајќи ја целокупната благосостојба. Соодветните нивоа на допамин кај луѓето помагаат за подобрување на фокусот, вниманието и когнитивната функција и ги одржуваат луѓето активни.
Но, дали е во ред да се јаде чоколадо секој ден? Колку чоколадо може да јадете на дневно ниво?
Чоколадото навистина го прави човекот среќен. Но, според нутриционистот Симрун Чопра, не постои нешто што се нарекува добра храна и лоша храна. Важна е рамнотежата што ја создавате во вашата исхрана. Чопра предлага секаков вид храна, но секако умерено за да уживате во неа подолго време.
Според Британската фондација за срце, чоколадо од 50 грама содржи 250 калории. Затоа, мора да бидете внимателни додека го јадете за да избегнете компликации, вклучително и дебелина, зголемен холестерол, висок шеќер во крвта итн.
Исто така, темното чоколадо содржи повеќе какао и какао-путер во споредба со млечното чоколадо, но количината на полифенол зависи од тоа како се обработува чоколадото, што не значи дека сите темни чоколади се нужно поздрави.
Ова нѐ води до прашањето: колку чоколадо е премногу?
Експертите сугерираат дека може да јадете до 30 грама темно чоколадо дневно за да уживате во неговите придобивки.
Извор:
Food.ndtv.com
Фото: Freepik