Фотографијата од женка од видот кит орка, која со денови  го турка телото на своето мртво бебе, обидувајќи се да го дри над вода и да го спречи да потоне, е една од најтажните слики во изминатава година - дел затоа што на толку емотивен и болен начин покажува колку е силна мајчинската љубов во животинскиот свет, но и дел поради фактот што ова младенче веројатно би го чекала сосема различна судбина ако човечката раса не променила добар дел од подводниот свет.


Групата во која припаѓала мајката продолжила по својот пат и за брзо време го напуштиле тој дел. Но не и мајката. Таа останала за со својата глава да го држи телото на своето бебе над водата, не дозволувајќи да потоне.

-Телото на бебето започна да тоне, но мајката повторно и повторно го носеше на површина. Таа со денови продолжи да го турка телото на нејзиното мртво бебе - велат од Центарот.

Во петокот наутро, кога последен пат биле видени, мајката и понатаму го држела телото на своето бебе над водата, упорно не дозволувајќи да тоне. Трагичната приказна за губењето и болката на една мајка, колку и да е тажна, всушност открива само дел од вистинската трагедија со која се соочуваат китовите орка во овој дел од океанот.


Причината за ова е недостатокот на храна, бидејќи главниот извор на храна на овие китови е кралскиот лосос, што стана загрозен вид, дел поради риболовот, а дел и поради промените на екосистемот и загадувањето. Како што се намалува бројот на лососи околу брегот на Ванкувер, така овие китови започнале да изумираат. Ако ова продолжи, ќе бидеме сведоци на сѐ поголем број вакви фотографии - трагични потсетници за тоа колку нашата раса ја уништи природата и животот на многу нејзини жители.