Денес е понеделник, 27 јуни 2016 година, 179-иот ден во годината.
Сонцето изгреа во 04:56, а ќе зајде во 20:15 часот. Денот ќе трае 15
часа и 19 минути.
Ова утро во Македонија имаме претежно сончево и топло време. Во
југоисточните предели има појава на облачност која во наредните неколку
часа ќе се намалува.
МАКЕДОНИЈА - Во Македонија денес претпладне ќе биде претежно сончево и
топло. Попладне во северозападните, западните, југозападните и крајните
североисточни предели со услови за локални врнежи од дожд и грмотевици,
а во вечерните часови и во текот на ноќта врнежи се очекуваат и во
централните и југоисточните предели. Ќе дува доумерен слаб североисточен
и северозападен ветер. Утринските температури од 13 до 22 степени,
додека пак максималните дневни ќе се движат од 24 односно до 35 степени.
УВ индексот 7.
СКОПЈЕ - Во Скопје денес ќе биде претежно сончево со локална облачност и
топло. Попладне нестабилно со услови за локални врнежи од дожд. Ќе дува
доумерен слаб северозападен ветер. Утринската температура од 19 степени,
а максималната дневна до 34 степени. УВ индекс 7.
МАКЕДОНИЈА 5 ДЕНА: Во Македонија во вторник претежно сончево со локална
облачност, попладне во северозападните, западните и југозападните
предели како и во крајните источни предели нестабилно со услови за
врнежи од дожд. Дневните температури од 22 до 32 степени. Во среда и
четврток стабилизација на времето, сончево и топло со температури од 24
до 34 степени во среда, односно од 26 до 36 степени во четврток. Во
петок претежно сончево со локална облачност и топло со дневни
температури од 27 до 37 степени, локално постојат услови за слаби врнежи
од дожд.