Денес е петок, 10 март 2017 година, 69-иот ден во годината. Сонцето
изгреа во 05:49, а ќе зајде во 17:38 часот. Денот ќе трае 11 часа и 49
минути.
Ова утро во поголем дел од Македонија имаме претежно облачно и релативно
топло време. Врнежи од дожд има во југоисточните и источните предели,
додека пак во крајните западни предели преовладува умерено облачно време
со услови за повремени сончеви периоди.
МАКЕДОНИЈА – Во Македонија денес, нова дестабилизација на времето. Ќе
биде умерено облачно и нестабилно време со врнежи од дожд кои ќе бидат
проследени со доумерен засилен североисточен и северозападен ветер. Над
1200 метри се очекуваат врнежи од снег. Утринските температури од 1 до
10 степени, додека пак максималните дневни температури ќе бележат благо
опаѓање и ќе достигнат до 5 односно до 15 степени.
СКОПЈЕ - Во Скопје денеска не очекува претежно облачно и нестабилно
време со врнежи од дожд кои ќе бидат проследени со засилен северозападен
ветер. Утринската температура од 7 степени, додека пак максималната
дневна до 13 степени.
МАКЕДОНИЈА 5 ДЕНА - Во сабота во раните утрински часови услови за слаби
врнежи од дожд ќе има во крајните северни и северозападни предели, а во
текот на денот ќе преовладува умерено облачно време со сончеви периоди и
посвежо. Утринските температури од -1 до 7 степени, додека пак
максималните дневни од 3 до 12 степени. Во недела и понеделник не
очекува постуденото утро бидејки утринските температури ќе бидат во
опаѓање и ќе се движат од -3 до 5, односно од -4 до 3 степени, а во
текот на денот умерено облачно со повремени сончеви периоди и дневни
температури од 2 до 11 степени во недела, однсоно од 5 до 14 степени во
понеделник. Во вторник по студеното утро со температури од -5 до 2
степени, во текот на денот ќе биде претежно сончево со локална облачност
и потопло со пораст на дневните температури кои ќе достигнат до 8
односно до 17 степени.
Weather4all.com.mk