Денес е среда, 2 ноември 2016 година, 307-иот ден во годината. Сонцето
изгреа во 06:02, а ќе зајде во 16:30 часот. Денот ќе трае 10 часа и 28
минути.
И денеска денот го започнуваме со ведро и студено утро, со утрински
температури кои се малку повисоки од вчерашните но повторно под просекот
за овој период од годината.
МАКЕДОНИЈА – Во Македонија денес по студеното утро, во текот на денот ќе
биде претежно сончево и потопло време, пред се поради јужното воздушно
стуење и продор на потопол воздух од југ. Ќе дува доумерен југоисточен и
југозападен ветер кој во западните предели ќе биде засилен. Максималните
дневни температури ќе достигнат до 10 односно до 19 степени. УВ индексот
ќе има вредност 3.
СКОПЈЕ – Во Скопје по студеното утро во текот на денот претежно сончево
и потопло време. Слаб југозападен ветер. Утринската температура од 0
степени, максималната дневна до 16 степени. УВ индекс 3.
МАКЕДОНИЈА 5 ДЕНА – Во четврток умерено облачно време со повремени
сончеви периоди, попладне зголемување на облачноста, која во вечерните
часови и во текот на ноќта во северозападните, северните и
североисточните предели ќе услову врнежи од дожд. Температурите од 9 до
18 степени. Во петок во раните утрински часови врнежите постепено ќе
престануваат и ќе преовладува умерено облачно време со сончеви периоди и
дневни температури од 6 до 15 степени. Во сабота и недела претежно
сончево време со локална облачност и пораст на максималните температури
кои ќе достигнат од 10 до 19 степени во сабота, односно од 13 до 22
степени во недела.
Weather4all.com.mk