Фото: Shutterstock
СЗО ќе го препознае гејмерското растројство како ментална здравствена состојба во наредната ревизија на Меѓународната класификација на болести што доаѓа во 2018 година. Бета-верзијата на класификацијата на болести вклучува и гејмерско растројство, што се опишува како зависност од видеоигри и онлајн и офлајн.
Растројството се карактеризира со модел на постојано или повторливо гејмерско однесување, вклучувајќи го и чувството дека имате контрола над тоа колку играте, ставањето на игрите и играњето пред други животни приоритети и продолжувањето на играњето и покрај негативните последици.
„Моделот на однесување е доволен за сериозно оштетување во личното, социјалното, образовното, професионалното функционирање, како и во други важни области“ се наведува во записот.
Во минатото зависноста од видеоигри довеле до некои прилично екстремни резултати, вклучувајќи и смрт во 2005 година кога еден човек играл „Стар крафт“ повеќе од два дена без пауза. Во 2010 година сопружници биле толку преокупирани со играње игри, што го запоставиле своето 3-месечно бебе и заборавале да му даваат да јаде - бебето починало од глад.
За жал, записот не вклучува
информации за превенција или третман на гејмерското нарушување.