Студентите кои аплицираат за сместување во студентски домови не треба да плаќаат административна такса, соопшти Министерството за образование и наука.
-Министерството за образование и наука ги известува сите студенти кои аплицираат на конкурсот за сместување во студентски домови за студиската 2021/2022 година, при поднесување на апликацијата (електронски или хартиено) НЕ треба да уплатуваат административна такса. Направена е измена на „Правилникот за образецот на барањето за сместување во студентски дом и образецот на барањето за добивање стипендија“, спогласно која апликантите се ослободени од оваа обврска - се наведува во соопштението.
Од МОН додаваат дека сите останати одредби од конкурсот за сместување во студентски домови кои се однесуваат на потребната документација, условите, критериумите и роковите за аплицирање, остануваат непроменети.