Во Јоркшир Дејлс се продава најосамената куќа во Велика Британија. Фактот што треба да се пешачи 20 минути до влезот не помага во продажбата.
Се чини дека куќата е прилично изолирана дури и за најинтровертните луѓе бидејќи идните станари ќе мора да патуваат 11 километри за да стигнат до најблиската продавница во градот Инлгтон. Исто така, потребно е да пешачите 20 минути до влезната врата бидејќи до куќата не можете да стигнете со автомобил.
Фото: Triangle News
На почетокот куќата се продавала за 300.000 фунти, но сега е намалена на 250.000 фунти. Била изградена во 40-тите години по нарачка на лондонската, мидлендската и шкотската железница. Затоа, не е чудно што има потреба од реновирање и нема струја, а има влага и дупки на подот.
Фото: Triangle News
Од агенцијата за недвижности тврдат дека куќата има голем потенцијал: има доста простор, остава, кујна, дневна соба и три двокреветни спални соби. Куќата се наоѓа на патеката Три пикс чаленџ, како и на железничката линија Сиетл-Карлајл, што ја прави идеално место за одмор за сите заинтересирани планинари или набљудувачи на возови.
Агентот за недвижности Фишер Хопер вели дека купувањето на оваа куќа е возбудлив проект и посочува дека со реновирање, куќата може да се претвори во освежителна станица за планинари.
Извор:
The Sun
Фото: Triangle news