Без автомобили и без сигнал за мобилен телефон, Источен Гренланд е најдалечното место до кое цивилизацијата може да дојде.

Градот Итокортормит, лоциран на работ на замрзнатото море, е единственото населено парче земја на ова прекрасно крајбрежје јужно од националниот парк Гренланд. Во центарот на ова мало село се наоѓа светлопортокалов хотел, за кој жителите се надеваат дека ќе ја поттикне кревката туристичка индустрија во најизолираниот агол на најненаселената земја во светот.

Густината на населението во Гренланд е 0,9 луѓе на квадратен километар, а три четвртини од вкупно 57.000 жители живеат во Нук, главниот град кој се наоѓа на западниот брег. Како резултат на тоа, речиси и да не постои човечко живеалиште во радиус од 1.000 километри околу Итокортормит, кој е полн со весело обоени куќи.


Жителите на Итокортормит живеат живот што спојува две епохи. Тие имаат електрична енергија, централно греење и безжичен интернет и локален центар за рекреација, а прават и порачки од „Амазон“ кои пристигнуваат со чартер-авион еднаш на два месеца од Исланд. Но, јадат храна што ја ловат од тундрата или од морето и се облекуваат во палта со крзно од мечка и носат ракавици од кожа на фока.


Со децении тие правеле пари од ловење поларни мечки и китови, но Обединетите нации, поради стравот од исчезнување на видовите, му ставиле крај на тоа, терајќи ги жителите да ги отворат своите домови за странци што сакаат авантури и така да го промовираат туризмот.



Ефектите од климатските промени веќе оставаат свој белег. Поларните мечки воопшто не влегуваат во градот, но бидејќи мразот исчезнува, животните се принудени да се доближуваат до градот.