Во Македонија во вторник ќе биде претежно облачно и ветровито. Попладне во северните и североисточните предели намалување на облачноста. Во југоисточните предели се очекуваат слаби локални врнежи од дожд, а на планините ќе провејува слаб снег.

Ќе дува умерен северозападен и североисточен ветер, а во југоисточните предели се очекува да дува слаб југоисточен ветер. Утринските температури ќе се движат од -3 до 4 степени, а максималните дневни температури ќе достигнат до 1 односно до 8 степени.

Во Скопје во вторник ќе биде умерено облачно, а повремени сончеви периоди се очекуваат во доцните попладневни часови. Ќе дува умерен северозападен ветер. Утринската температура од 1 степен, а максималната дневна ќе достигне до 6 степени.

Weather4all.com.mk