Седумнаесет од околу 200 ракописи што пристигнаа во нашата редакција ги напишаа ученици. Тие одговорија на повикот на Факултети.мк рачно да ја напишат песната „Убавите жени“ од Блаже Конески и да ја испратат во коверт, на адресата на нашата редакција. Целта беше да ве поттикнеме да пишувате и заедно да го промовираме ракописното пишување во време на сè поголема доминација на дигиталната технологија.

Најголема радост ни предизвикуваа вашите, ученичките ракописи. Писма пристигнуваа од цела Македонија, дури и од странство. Според нашата евиденција, најмладиот ученик имаше 8 години, а најстариот 17. Ова се фотографии од ракописите на учениците. Ги објавувавме сите што пристигнаа во нашата редакција, на кои пишуваше кој ги испратил. Под менторство на некои наставници, се случуваше во еден коверт да пристигнат повеќе песни од едно училиште. Честитки за посветените наставници што го организираа тоа.

Ви благодариме на сите што ни испративте ракопис.
Тимот на Факултети.мк.