Фото: Getty Images
Професорите на „Харвард“ постојано читаат и им даваат книги на своите студенти, така што со сигурност знаат што е добра книга. Земајќи го тоа предвид, „Бизнис инсајдер“ ги праша професорите која книга би им ја препорачале на студентите за 2018 година.
Меѓу професорите се нобелови лауреати, научници, економисти и добитници на Пулицеровата награда. Книгите што ги избраа тие се различни, како и нивните професионални искуства.
„Ана Каренина“, Лев Толстој
Фото: Amazon
„Повторно ја читам оваа книга. Не постои друг роман за тоа како жените (и не мислам само на Ана), кои се елитни, интелигентни и едуцирани, се игнорирани, угнетувани и имаат малку права. Жените се грижливи, сочувствителни и тие го го одржуваат општеството да остане заедно и да обезбеди спас дури и тогаш кога на свештениците им се припишува таа заслуга.
Романот на Толстој денес е исто важен колку што бил во минатото. „Ана Каренина“ е најдобриот роман некогаш напишан и вреди уште едно детално читање од наша страна“, вели Клаудија Голдин, економски историчар.
„Интернационалците“, Дона Хатавеј и Скот Шапиро
Фото: Amazon
„Книгата објаснува феномен за кој веројатно не знаевте дека постои - падот на меѓународната војна и освојувањето - со историски настан што веројатно мислите дека е смешен: Бријан-Келогов пакт или Парискиот мировен договор од 1928 година, во кој било објавено дека војната е нелегална.
Нивната книга е богата со докази и претставува огромна визија за меѓународната сцена, давајќи им смисла на многу настани во вестите и во неодамнешната историја“ - вели Стивен Пинкер, професор по психологија на школата „Џонстон“ при Универзитетот „Харвард“.
„Теорија на моралните чувства“, Адам Смит
Фото: Amazon
„Секој
студент по економија ја знае ’Богатството на нациите‘, но оваа претходна книга дава многу побогат и посуптилен поглед на човечката природа од нејзиниот побогат наследник“, вели Ерик Маскин, економист и добитник на Нобеловата награда во 2007 година.